Al måjhon

Linux walon - Vosse copiutrece e walon avou Linux, Windows ou Mac - Walotux

Bénvnowe so Walotux, li poite waibe del promocion des libes programes ratournés e walon so Linux, Windows eyet MacOS.

Vaici, chal ou droci, vos trovroz tot c’ ki fåt sawè po tourner voste éndjole en ene machine ki cåze walon.

Dins l’ botin des libes programes vos avoz ttafwait so les programes ki tournèt e walon so les troes mwaisses sistinmes d’ operance: Linux, Windows et MacOS. Des programes mo conoxhou come Firefox ou Pidgin mins ossu d’ ôtes ttossu ahessåves po lére vos PDF, dessiner, rwaitî vos fimes ou co tote ene shûte burotike.

Avou l’ coirnêye Linux discovroz on sistinme d’ operance tot etir e walon: do manaedjeu des fitchîs et des usteyes d’ apontiaedje djuskå messaedjes d’ aroke.

Vos trovroz infin dins cisse waibe d’ ôtès racsegnes so l’ infôrmatike e walon et sol walon eployî po cisse waibe, li rfondou walon. Mes 30 prumîs mots walons d’ éndjolike eyet on motî d’ éndjolreye walon-inglès-francès vos aidront a mî comprinde tos les mots des copiutreces.

Bon betchtaedje totavå l’ waibe.

Dierins årtikes

WalYoo : ene bawete po riwaitî li waibe
1î di fevrî, pa Francis
WalYoo : ene bawete so internet
CacheAZimadjetes

Programe Windows po ri-trover TOTES les imådjetes ki sont so vosse èndjole
1î di fevrî, pa Francis
Pocwè CacheDesZimådjetes ? C’est on programe po les infôrmatikîs : Cwand dji scrîs on novea programe, dji does li doner ene imådjete po cwand ci programe la sera so vosse buro, ou bén riployî so li bare a ostis dins li fond da vosse waitroûle. Mins come dji ni pous nén bén dessiner des imådjetes (fitchîs .ICO) dji cache après ene imådjete dins les fitchîs (.exe .ico, .dll) da m’n’éndjole eyet dji d’zels tchoezi ene bele ki dji candje assez po k’ele mousse bén çu ki m’novea programe fwait. CacheAZimådjetes (...)