Kopete

Kopete est come Pidgin on cliyint MSM [1] po Linux ki pout eployî sacwants protocoles:

• AIM
• WinPopup
• Gadu-Gadu
• GroupWise
• ICQ
• Jabber
• MSN Messenger
• QQ
• Evoyî des SMS
• Testbed
• Yahoo

Vos ploz eployî sacwants conte sol minme tins dins l’ minme purnea. Insi, on pout awè s’ conte MSN eyet s’ conte Gmail dins l’ minme programe. Clapant non?

Come les ôtes cliyints multi-protocoles, i gn a des spepieusès fonccinålités ki vos n’ pôroz nén awè mins i sait cwand minme cåzu tot fé.

Çou k’ il a d’ pus ki ls ôtes? Si rivnance, todi ossu bele come les programes KDE. Todi plaijhant a eployî.

Si vs passez d’ Windows a Linux, i vos frè rovyî l’ ôte Live Messenger, la.

Astaler Kopete divins Linux

Astalez dins vosse favorite distribucion Linux e walon li pacaedje kde4-kopete pol dierinne modêye (dins l’ coxhe KDE4).

Si vs eployî KDE 3.5.x, astalez l’ pacaedje kdenetwork3-InstantMessenger (dins openSUSE)

Si vosse copiutrece est bén apontieye pol locåle walon, ça srè e walon.

Astaler Kopete divins Mac

Kopete (3.5.x) a stî poirté so Mac gråce å pordjet Fink. Nos ns l’ avans nén sayî mins vs pôroz trover les pondants et djondants so comint l’ astaler dizo Mac so www.finkproject.org. C’ est l’ pacaedje kopete k’ i fårè astaler.

Ça n’ dit nén comint tchoezi l’ lingaedje do (ou des) programe(s) dins MacOS (motoit a candjî dins l’ fitchî .profile). Si vs avoz sayî et k’ ça rote, dijhoz l’ nos e respondant a cist årtike.