Skanlite

Skanlite est on programe po scaner avou ene sicanrece ki n’ fwait rén d’ ôte di pus ki scaner eyet schaper vos imådjes.

Skanlite, sapinse si no, est ledjir ey est båzé sol tecnolodjeye d’ sicanaedje SANE [1] bén conexhowe dins Linux.

Kékès tchuzes po mete a pont l’ imådje, clitchî sol boton pol prévoeyaedje, tchoezi l’ seleccion dins l’ imådje a scaner eyet adon schaper.

Skanlite vos dene li tchoes d’ schaper dins les cognes shuvantes: PNG, JPG ou BMP.

C’ est simpe eyet c’ est roed.

Skanlite est on programe k’ a-st arivé avou KDE 4.2 eyet seule li modêye a pårti d’ KDE 4.2.0 est rmetowe e walon (Skanlite 0.2).

Astaler Skanlite dins Linux

I gn a nén co d’ distibucion Linux ki vegnnut avou KDE 4.2 pol moumint (c’ est tot novea). I fåt co ratinde. I n’ est don nén co possibe di l’ astaler d’ ene sitocasse manire.

Si vos vloz l’ awè, metans, dins openSUSE 11.1 e walon, vos dvoz astaler l’ modêye KDE 4.2 eyet mete a djoû tot vosse sicribanne (li prémetowe est 4.1). Vosse sicirbanne ni srè pus stocasse eyet i pôreut awè des bugs. Nos n’ vos ricmandans nén d’ fé çoula.

Si vos l’ voloz cwand minme fé, alez vey li pådje http://en.opensuse.org/KDE4 eyet astalez l’ sicribanne KDE 4.2 "Factory". On côp k’ c’ est astalé, astalez avou Yast2 li pacaedje skanlite.

Astaler Skanlite dins Windows et Mac

Ça n’ est nén co possibe mins les programeus î overnut.