Linux walon - Vosse copiutrece e walon avou Linux, Windows ou Mac - WalotuxAvou l’ aidance do programe KIWI, nos avans ahivé ene vicante plake (live CD) d’ openSUSE 11.1 avou les ratournaedjes e walon.
C’ est ene modêye alfa, nén co sgure mins dedja eployåve. On va l’ amidrer avou vos conseys.
Cisse deujhinme alfa est eployåve pa tolminme kî a on PC (nén on Mac), k’ i soeye e 32 bits ou 64 bits.
Comint fé
Aberwetez l’ imådje ISO a vaici:
openSUSE-11.1-vicanteplake-kde4-wa-alfa2.i686-2.7.0.iso (li fitchî n’ est pus disponibe, alez vey li modêye alfa3)
(md5sum : 9a9e3d3c109f240ba6dbfff06a06bac4)
Adon, broûlez l’ fitchî ISO avou vosse broûleu d’ plakes favori (K3B, Brasero, Nero...).
Cwè fåt i fé po ns aidî
Si vs savoz l’ aberweter eyet l broûler sos ene vraiye plake, sayî d’ enonder l’ vicante plake so voste éndjole. Merci di rwaitî a çouci :
- Li tchoes des programes est-i bon?
- Kés programes e walon radjouter?
- Kés programes pout on oister?
- Kés amidraedjes possibes pol rivnance?
Dijhoz ns cwè a linux-wa@walon.org ou e respondant a cist årtike.
Bugs dedja conoxhous
- L’ eterface est e walon eyet inglès cwand gn a pont d’ ratournaedjes (pu rade k’ e francès)
- Li taprece est e QWERTY (pol candjî alez dins l’ dressêye Favoris->Apontiaedjes do sistinme->Payis et lingaedje->Adjinçmint del taprece->Mete en alaedje les adjinçmints del taprece ey adon tchoezi Beldjike)
RSS 2.0