Monsieu Crompire

Monsieur Crompire (di s’ vraiy no KTuberling) est on programe po ls efants da KDE. I n’ rote ki dins Linux (eyet Mac) dabôrd.

A pårti d’ ene imådje vude avou on Monsieu Crompire tot nou, vost efant divrè radjouter ene boke, des ouys, des orayes, des tchveas, on tchapea, des tchåsseures, etet...

On pout ossu tchoezi des ôtes imådjes di fond : l’ espåce, l’ Edjipe, li pizzeria...

Dins l’ modêye ki vént et ki rexhrè å mitan d’ l’ anêye 2009 ons årè minme les vwès e walon. Cwand on clitche sol tchapea, ene vwès dit tot hôt "TCHAPEA". Foirt ahessåve po ls efants aprinde li walon. Et ça rote ossu po l’ amagnî k’ on va mete sol pizza ou les mårsyins e l’ espåce.

L’ astaler dins Linux

Dins vost astalaedje e walon, tchoezixhoz dins Yast (ou vosse manaedjeu des pacaedjes) li pacaedje kde4-ktuberling eyet l’ astaler.

Po radjouter les vwès al mwin dedja ådjourdu:

• Aberweter l’ årtchive tar des sons e walon ktuberling.tar.gz
• Copyî (avou les droets do manaedjeu root) çou k’ i gn a dins l’ årtchive viè l’ ridant /usr/share/kde4/apps/ktuberling/sounds

Ça s’ pout fé åjheymint avou l’ comande vaici pa dzo dins on terminå:

• cd /usr/share/kde4/apps/ktuberling/sounds
• sudo tar -xzvf /home/tchimin-viè-l’-fitchî/ktuberling.tar.gz e candjant /home/tchimin-viè-l’-fitchî/ pa l’ tchimin del plaece ewou s’ trove li fitchî tar.gz

Vos l’ poloz ossu fé dins KDE e drovant Dolphin e môde "super uzeu" (Mwaisse dressêye->Programes->Sistinme->Manaedjeu di fitchîs->File Manager - Super User Mode)

L’ astaler dins MacOS

Monsieu Crompîre (3.5.x) a stî poirté so Mac gråce å pordjet Fink. Nos ns l’ avans nén sayî mins vs pôroz trover les pondants et djondants so comint l’ astaler dizo Mac so www.finkproject.org. C’ est l’ pacaedje kdegames3 k’ i fårè astaler.

Ça n’ dit nén comint tchoezi l’ lingaedje do (ou des) programe(s) dins MacOS (motoit a candjî dins l’ fitchî .profile). Si vs avoz sayî et k’ ça rote, dijhoz l’ nos e respondant a cist årtike.