Linux walon - Vosse copiutrece e walon avou Linux, Windows ou Mac - Walotux

Krita 2

Candjîz vos fotos, ponde et dessiner avou Krtia

samedi 30 mai 2009, par Djan

Krita est l’ Photoshop di KDE ki sopoite li cwadricromeye (CMJN). Po candjî vos fotos, ponde et dessiner dins bråmint des cognes.

Imådjete KritaKrita est on programe di pondeure et d’ candjmint d’ imådjes do pordjet KOffice.

I gn a dins Krita des fonccions ki sont åjheyes a-z eployî eyet plaijhantes come li pondaedje moenné (ça n’ a måy sitî ossu åjhey di ponde avou on pincea ene droete roye), mins ossu des fonccions foirt sipepieuses come li sopoirt des imådjes 16 bites, li cwadricromeye CMJN, L*a*b eyet minme les imådjes OpenEXR HDR.

Krita eploye des coûtches, des passetes, des masses eyet totes sôres di pinceas, sait ebaguer et abaguer bråmint des cognes di fitchî.

L’ eterface di Krita rishonne al cene di Photoshop.

  • Li båre ås usteyes corantes pus d’ ôtès båres ås usteyes pus specifikes
  • Des paneas d’ costé (a droete), k’ on sait displaecî et k’ dennut accès a des fonccions (coûtches, paletes di coleurs, apontiaedje des usteyes...)
  • Li redjon d’ håynaedje di l’ imådje.

Vola d’ cwè vs fé rovyî Photoshop si vs passez a Linux.

Krita ça vout dire e suwedwès "croye", "rita" volant dire "dessiner". C’ est ossu onk des 4 moumints hindous del grande Yuga [1]

Krita en alaedje

Comint l’ astaler dins Linux

Krita 2.0 est disponibe come les ôtes programes di KOffice 2 so des depots po openSUSE, Ubuntu, Gentoo, Debian eyet Fedora Core. Li modêye 2.0 est stocaesse mins ele si doet siervi di livreyes di KDE nén co stocaesse... Adon si vos n’ estoz nén ene sakî ki s’ î conoxhe, ni l’ astalez nén co, ratindoz k’ KDE 4.3 rexhe.

Pus di pondants et di djondants vaici

Notes

[1] Vey vaici

2 Messages de forum

  • Krita 2 7 juillet 2009 20:18

    Po s’attaqué, jim’va m’escusé parcqui dji n’sé nin scrire e wallon. On m’a mô aclevé à s’apprinde li latin, et tote saure d’autre linwe di sot come li flamin avou. Adon, d’ji scri comme i mi sonle.
    D’ji so bina d’apprinde qui n’a une novelle version di krita qu’e sortaye. Vos dihez qui no pollons l’trové d’vin le depot di ubuntu avou, mais d’vin les cis d’a hardy, d’ji nel ze veu nin. Povéf m’aidi to m’fan saveur wizky ( ;) nin pékèt hin ! ) sont ?
    D’avance d’ji f rimercaye.
    Bruno Del sipexhe

    • Krita 2 20 juillet 2009 18:38, par Djan

      Bondjoû Bruno,

      Bénvnûwe amon Walotux. Il est dit so cisse pådje di Kubuntu comint l’ astaler. A bén lére, i fåt radjouter l’ depot Unsupported updates et sayî d’ trover koffice-kde4. Kécfeye k’ po Krita c’ est krita-kde4 mins dji n’ sai rén vos dire ca dji toûne avou openSUSE.

      Les ponas et les covas so KOffice sont so www.koffice.org.

      Et n’ rovyîs nén d’ tchoezi dins "À propos->Changer la langue de l’application" li wallon (dabôrd fåt ossu astaler li pacaedje avou les ratournaedjes e walon di KOffice koffice-kde4-i10n-wa ou ene sacwè k’ î rshonne).

SPIP | squelette | | Plan du site | Suivre la vie du site RSS 2.0